Sabay

Paumanhin kung hindi kita mahihintay sa dulo
Dahil ang nais ko ay samahan ka sa bawat segundo.
Sa pagkadapa, sa unos, sa ingay at hindi sigurado
Sabay nating bagtasin ang daang magulo.

Sasamahan kang mabasa sa ulan ng problema,
Sa katiyakan, alinlangan, sa saya at pagkadismaya.
Kung mahapo sa maghapon ay sa akin mamahinga.
Taimtim kang babantayan abutin man ng umaga.

Muli, hindi lang ako maghihintay kun'di sasabay.
Sa'yo, sa piling mo, pangako ito.